{"id":5829,"date":"2024-09-13T09:12:18","date_gmt":"2024-09-13T07:12:18","guid":{"rendered":"https:\/\/www.cci.corsica\/?p=5829"},"modified":"2024-09-13T09:12:19","modified_gmt":"2024-09-13T07:12:19","slug":"a-lettera-intervista-rientrata-jean-dominici","status":"publish","type":"post","link":"https:\/\/www.cci.corsica\/co\/a-lettera-intervista-rientrata-jean-dominici\/","title":{"rendered":"A Lettera | L\u2019intervista di a rientrata : \u00a0\u00ab\u00a0S\u00f2 aspettate misure urgente\u00a0!\u00a0\u00bb"},"content":{"rendered":"

\u00d9n h\u00e8 micca stata bona a stagione in Corsica. Vi appruntate \u00e0 camp\u00e0 una rientrata propiu afflitta per i nostri suditi ?<\/strong><\/p>\n\n\n\n

S\u00f2 stati assai pessimi l\u2019avanti stagione \u00e8 u mese di lugliu per u settore di u turisimu. Pare ch\u00ec u mese d’aostu \u00e8 a fine di a stagione sippianu un pocu menu sgradati, ma \u00f9n permetter\u00e0 mancu appena di richjapp\u00e0 tutte e perdite digi\u00e0 arregistrate. Dopu un bruttu annu 2023, averemu dunque un bruttu annu in u 2024 \u00e8 sta sequenza, sta perdita ecunomica di pettu \u00e0 a nostra attivit\u00e0 principale, h\u00e8 in fatti una primura mai\u00f2 per a viabilit\u00e0 di i cummerci \u00e8 di l’imprese isulane, perch\u00e8 ch\u00ec u turismu, in modu direttu \u00e8 indottu, irriga tutta l’ecunumia di a Corsica. Allora s\u00ec, ci simu appruntati \u00e0 una rientrata propiu trammanata \u00e8 \u00e0 un invernu difficiule.<\/p>\n\n\n\n

Cumu spieg\u00e0 u distaccu tr\u00e0 un tassulu di occupazione ch\u00ec suddisface per i battelli \u00e8 l\u2019avi\u00f2 \u00e8 st\u2019alberghe \u00e8 l\u2019osterie diserte ?<\/strong><\/p>\n\n\n\n

Parechji fattori s\u00f2 in traccia di move \u00e8 parenu propiu sfavurevuli per noi. Prima, l’offerta di trasporti, in particulare in u settore di l’aereu, \u00f9n basta micca in quantu \u00e0 e sede \u00e8 e linee, ci\u00f2 ch\u00ec porta \u00e0 una saturazione cronica ; in u frattempu, i prezzi s\u00f2 assai troppu altu, ch\u2019ella sia in valore assulutu \u00e8 soprattuttu paragunatu \u00e0 tutte l’altri destinazione cuncurrente in u Mediterraniu. U bugettu ch\u00ec ferma \u00e0 cunsum\u00e0 sopra locu, digi\u00e0 malmessu da i prublemi di u putere di compra, h\u00e8 dunque sempre \u00e0 cal\u00e0, ci porta \u00e0 sughjorni pi\u00f9 corti, di menu spese, a ricerca di e suluzione menu caru per l’alloghju, manghj\u00e0 \u00e8 visit\u00e0 l’isula \u00e8 dunque una crescita d\u2019appetittu per e suluzione para cumerciale ch\u00ec abbundanu oramai in tutti i settori di l’ecunumia corsa.<\/p>\n\n\n\n

Dinunzianu dapoi anni \u00e8 anni i prufessiunali, c\u00f9 voi in testa, l\u2019ecunumia parallela, in parte occulta, di u paraturisimu. Cumu spiec\u00e0 u lascia corre di i puteri publichi ?<\/strong><\/p>\n\n\n\n

Propiu \u00f9n si p\u00f2 capisce ! Di sicuru, unepoche d\u2019iniziative curagiose ci s\u00f2 inde certe cumune per ammaestr\u00e0 l’offerta di affittu nant\u2019\u00e0 u so territoriu ma propiu \u00f9n bastanu micca. Ci manca di modu chjaru un quadru glubale \u00e8 dinamicu per a lotta, prima \u00e0 u livellu naziunale \u00e8 dopu \u00e0 u livellu lucale, per tir\u00e0 \u00e0 frenu \u00e8 regul\u00e0 stu marosu di fondu ch\u00ec mette \u00e0 male di modu seriu a resilienza di a nostra ecunumia \u00e8 minaccia imprese \u00e8 impieghi numerosi. Da per tuttu in altr\u00f2, assistemu \u00e0 risposte assai di pi\u00f9 vigurose di limitazione \u00e8 cuntrolli, puru di sanzione per l\u2019abusi \u00e8 l\u2019eccessi, aghju vistu ancu pocu f\u00e0 ch\u00ec a cit\u00e0 di Seviglia h\u00e0 decisu di tagli\u00e0 l’acqua \u00e0 l’abitazione ch\u00ec eranu identificate cum’\u00e8 affitti salvatichi. Malgradu l\u2019avvisi numerosi di i prufessiunali, quelli di l’UMIH Corsica in particulare, i nostri, quelli di l’altri sindicati, si vede ch\u00ec in Corsica stu fenomenu \u00e8 i danni ecunomichi ch’ellu cagiuneghja \u00f9n s\u00f2 ancu stati risolti in tuttu.<\/p>\n\n\n\n

S\u00f2 stati cunfruntati din\u00f9 \u00e0 una penuria di persunali qualificati. Puder\u00e0 arrec\u00e0 qualcosa di pusitivu a creazione di una grande scola di turisimu in Aiacciu ?<\/strong><\/p>\n\n\n\n

H\u00e8 tuttu prontu ! Ci manca solu l’auturizazione di a Cullettivit\u00e0 di Corsica \u00e8 a cunferma di a so cuntribuzione finanziaria per lanci\u00e0 i travagli di riabilitazione di u Palazzu di i Cungressi d’Aiacciu \u00e8 a creazione inde stu locu stessu d’una scola di turisimu di altu livellu, in partinariatu c\u00f9 a Camera Regiunale di i Mistieri \u00e8 di l\u2019Artisgianatu, l’AFPA, a scola osteriaghja d’Avignone, quella di Savignac \u00e8 \u200b\u200btanti altri attori numerosi. Da u principiu datu, ci vuler\u00e0 \u00e0 travagli\u00e0 c\u00f9 i prufessiunali corsi per ch’elli s’impegninu direttamente inde l’urganisazione \u00e8 u funziunamentu di sta scola ch\u2019\u00e8 no vulemu marcata c\u00f9 un altu livellu di esigenza educativa \u00e0 u serviziu direttu di l’attori di u mistieru, di i pruduttori, di i risturatori \u00e8 di l\u2019osteriaghji.<\/p>\n\n\n\n

Eppuru, malgradu i vostri sforzi, i giovani corsi s\u00f2 sempre di menu attratti da a furmazione prufessiunale. Ch\u00ec ci vuler\u00e0 \u00e0 f\u00e0, secondu voi ?<\/strong><\/p>\n\n\n\n

Certi pensanu ch\u00ec i giovani si alluntaneghjanu da i mistieri ecunomichi, d\u2019altri ch\u00ec h\u00e8 l’ecunumia ch\u00ec si alluntaneghja da a nostra ghjuvent\u00f9, pocu impreme, ch\u00ec u custattu h\u00e8, fatta fine, u listessu : a nostra ghjuvent\u00f9 \u00f9n h\u00e8 micca abbastanza centralizata in e pulitiche publiche di sviluppu, nutrisce u sintimu di \u00f9n truv\u00e0 ci u so postu. Ci vole ch\u2019ella cambii \u00e8 prestu ! Per quessa, mi pare essenziale di rifurm\u00e0 di manera prufonda i diversi sistemi d’aiuti \u00e8 di accumpagnamentu, di priuriz\u00e0 a trasmissione \u00e8 a ripresa, \u00e8 di innuv\u00e0 in a cunsegna di l’opportunit\u00e0 ecunomiche \u00e0 i nostri giovani. Ma, in u listessu tempu ch\u2019\u00e8 no rinfurzeremu a so presa in cunsiderazione, ci tuccher\u00e0 \u00e0 rinfurz\u00e0, in attesa \u00e8 in rigore, h\u00e8 u nostru avvene, ancu u nostru prisente, \u00e8 a custruzzione deve esse attenta, generosa ma propiu esigente.<\/p>\n\n\n\n

S\u00f2 stati din\u00f9 messi in alerta i tribunali di cummerciu nant\u2019\u00e0 a situazione sgradata di u BTP \u00e8 di u cummerciu di prussimit\u00e0. Ch\u00ec si puder\u00e0 f\u00e0 per cur\u00e0 stu male ch\u00ec si face sente sempre di pi\u00f9 ?<\/strong><\/p>\n\n\n\n

Propiu, mi pare urgente \u00e8 vitale di f\u00e0 un aggiornamento. I settori mai\u00f2 di u turisimu, di u BTP, di u cummerciu, di i trasporti, s\u00f2 in crisa, l\u2019altri seranu tutti tocchi di modu direttu o indirettu. Avemu travagliatu, dapoi u 2020, c\u00f9 u cabinettu internaziunale EY Consulting, nant\u2019\u00e0 un pianu di resistenza \u00e8 di rilanciu di l\u2019ecunumia corsa, c\u00f9 58 misure, fr\u00e0 e quale 16 ci parenu priuritarie, una lista di prugetti \u00e0 mette in ballu di modu urgente. \u00d9n h\u00e8 statu accoltu stu pianu cum\u2019\u00e8 a speravamu. \u00d9n pudemu ch\u00e8 custatt\u00e0 ch\u2019ellu h\u00e8 d\u2019attualit\u00e0, pi\u00f9 ch\u00e8 mai, \u00e8 simu uperaziunali per cuntribuisce \u00e0 attualiz\u00e0 lu, priuriz\u00e0 lu \u00e8 mette lu in ballu.<\/p>\n\n\n\n

Ch\u00ec misure di stu pianu metteriate in testa di e vostre priurit\u00e0 ?<\/strong><\/p>\n\n\n\n

A messa in ballu di una ingenieria di prugetti \u00e0 u serviziu di l\u2019intraprese, u schema di rilanciu di u turisimu corsu, a creazione di un portafogliu per investisce inde l\u2019ecchippamenti strutturanti ch\u00ec ne anu u pi\u00f9 bisognu, pensu in particulare \u00e0 i porti \u00e8 \u00e0 l\u2019aeroporti. H\u00e8 indispensevule quant\u2019\u00e8 di favuriz\u00e0 a ripresa di l\u2019attivit\u00e0 di u BTP c\u00f9 a cummanda publica \u00e8 di allung\u00e0 u calendariu di rimborsu di u PGE per l\u2019intrapresa in situazione pessima. D\u2019altronde, deve esse rinfurzatu u creditu d\u2019impositu \u00e8 d\u2019investimentu corsu, \u00e8 ancu rinnuvellatu \u00e8 riurientatu. <\/p>\n\n\n\n

H\u00e0 messa in ballu a CCI di Corsica un studiu ch\u00ec face vede ch\u00ec l\u2019intraprese \u00f9n s\u00f2 di arme uguale c\u00f9 quelle di u Cuntinente. Cumu si puder\u00e0 culm\u00e0 u fossu ?<\/strong><\/p>\n\n\n\n

In fatti, avemu fattu a dimustrazione, in u 2018 po in u 2019, per via di i studii Goodwill management, ch\u00ec i sopracosti liati \u00e0 l\u2019isulanit\u00e0 \u00e8 suppurtati da e nostre intraprese raprisentavanu \u00e0 u minimu di e stimazione, pi\u00f9 di 700 milioni d\u2019eur\u00f2 \u00e0 l\u2019annu, invece ch\u00ec e misure fiscale proprie \u00e0 a Corsica eranu di 100 milioni d\u2019eur\u00f2 \u00e0 l\u2019annu, vale \u00e0 d\u00ec sette volte di menu. Simu luntanu da u contu \u00e8 l\u2019equit\u00e0 di e cundizione ecunomiche tr\u00e0 una intrapresa isulana \u00e8 una di u cuntinente \u00f9n h\u00e8 micca rispettata. Passa a suluzione per via di un statutu fiscale \u00e8 suciale ambiziosu \u00e8 adattatu \u00e0 sta situazione di distursione. Avemu fattu pruposte numerose, virtuose \u00e8 efficace, in particulare a perennisazione \u00e8 a stensione di u creditu d\u2019impositu investimentu, \u00e0 u quale facia riferenza, ma qu\u00ec din\u00f9, \u00f9n avemu micca ricevutu a risposta ch\u00ec aviamu u dirittu di aspett\u00e0.<\/p>\n\n\n\n

H\u00e0 scumessu assai a Corsica nant\u2019\u00e0 u prucedimentu d\u2019autunumia c\u00f9 un novu statutu fiscale adattatu, ma h\u00e0 mandatu tuttu \u00e0 spassu a dissuluzione ? Ser\u00e0 un\u2019altra decezzione ?<\/strong><\/p>\n\n\n\n

I\u00e8, propiu ! S\u00f2 state rinviate \u00e0 u benefiziu di stu statutu tutte e riforme ecunomiche, statutarie, fiscale \u00e8 suciale, ch\u2019\u00e8 no prupuniamu dapoi parechji anni. Di fatti h\u00e8 stata propiu un scumpientu a so messa tr\u00e0 parentesi. Ancu di pi\u00f9 ch\u00e8 quessa, risicheghjanu l\u2019istabilit\u00e0 pulitica naziunale, a crisa bugetaria di u Statu \u00e8 u cuntestu internaziunale incandescente, di lamp\u00e0 i cartulari corsi fora di e priurit\u00e0 di u guvernu futuru \u00e8 ser\u00e0 tandu torna una gattiva nutizia\u2026<\/p>\n\n\n\n

U 31 di dicembre di u 2024, ghjunghjer\u00e0 \u00e0 a fine u cuntrattu di cuncessione di a CCI di Corsica per gestisce i porti \u00e8 l\u2019aeroporti. Cumu puder\u00e0 f\u00e0 a Cullettivit\u00e0 di Corsica da ch\u2019elle \u00f9n sianu mandate st\u2019infrastrutture in manu \u00e0 u privatu ?<\/strong><\/p>\n\n\n\n

Tocca \u00e0 ella \u00e0 d\u00ec la ! Avemu fattu pruposte numerose dapoi quelle ch\u00ec anu cunduttu \u00e0 l\u2019articulu 46 di a lege Pattu \u00e8 u scambiamentu di tutella fin\u2019\u00e0, pocu f\u00e0, a creazione di un Sindicatu Mistu Apertu (SMO) tr\u00e0 a Cullettivit\u00e0 di Corsica \u00e8 a CCI. Esistenu e suluzione \u00e8 s\u00f2 nant\u2019\u00e0 u tavulinu. Averemu, per a nostra parte, un\u2019assemblea generale strasurdinaria u 3 d\u2019ottobre per deliber\u00e0 nant\u2019\u00e0 sta situazione angusciosa \u00e8 oramai critica ch\u00ec \u00f9n si puder\u00e0 arregul\u00e0 senza acceler\u00e0 u ritimu inde l\u2019istanze di decisione di a Cullettivit\u00e0 di Corsica. Un scontru recente c\u00f9 u presidente di u Cunsigliu esecutivu h\u00e0 apertu un chjassu di risuluzione c\u00f9 un calendariu d\u2019aduzzione di un statutu di SMO per l\u2019aeroporti \u00e8 i porti fr\u00e0 i quali a CCI si tenerebbe a gestione sott\u2019\u00e0 a legittimit\u00e0 istituziunale di a Cullettivit\u00e0 di Corsica. \u00d9n ferma pi\u00f9 ch\u00e8 \u00e0 mette lu in ballu\u2026<\/p>\n\n\n\n

<\/div>\n\n\n\n
\n\n\n\n
<\/div>\n\n\n\n

Gestione di e cuncessione portuarie \u00e8 aeroportuarie<\/strong><\/h2>\n\n\n\n

Un\u2019assemblea generale strasurdinaria <\/strong><\/h3>\n\n\n\n
\n
\n

A strada senza sboccu ch\u2019ellu raprisenta u trasferimentu di tutella di a CCI di Corsica \u00e0 a Cullettivit\u00e0 di Corsica, piantatu inde u so slanciu dopu \u00e0 i turmenti pulitichi \u00e0 u livellu naziunale, h\u00e0 purtatu a nostra camera \u00e0 avvicin\u00e0 si prestu \u00e0 u presidente di u Cunsigliu esecutivu di Corsica per perenniz\u00e0 a gestione di i porti \u00e8 di l\u2019aeroporti inde u duminiu publicu. H\u00e8 una corsa contru \u00e0 u tempu ch\u00ec h\u00e8 stata iniziata, ch\u00ec scadenu i cuntratti di gestione toccu u 31 di dicembre di u 2024. S\u2019\u00e8 \u00f9n h\u00e8 fattu nunda inde u frattempu, seranu periculose e cunsiquenze per a guvernanza \u00e8 l\u2019ecunumia di e nostre infrastrutture di trasportu vitale per un territoriu isulanu. Cunsiste a suluzione ghjuridica a pi\u00f9 sicura \u00e0 a creazione di SMO, di Sindicati Misti Aperti, ch\u00ec permettenu a cuuperazione di cullettivit\u00e0 territuriale \u00e8 di persone murale di dirittu publicu cum\u2019\u00e8 e camere cunsularie per l\u2019attivit\u00e0 d\u2019interessu generale. H\u00e0 pigliatu din\u00f9 Jean Dominici a decisione di adunisce un\u2019assemblea generale strasurdinaria ghjovi u 3 d\u2019ottobre \u00e0 10 ore \u00e8 mezu di matina, \u00e0 u Palazzu di i Cungressi d\u2019Aiacciu. Seranu \u00e0 l\u2019ordine di u ghjornu parechje pruposte di deliberazione ma a pi\u00f9 impurtante tocca di fatti a creazione di sti SMO per a quale u presidente di a CCI di Corsica dumander\u00e0, in a so qualit\u00e0 di presidente, un mandatu da pud\u00e8 f\u00e0 tutti l\u2019atti necessarii \u00e0 a finalisazione di stu prugettu di prima trinca c\u00f9 a Cullettivit\u00e0 di Corsica.<\/p>\n<\/div>\n<\/div>\n\n\n\n

\"couverture<\/figure>
\n

Article publi\u00e9 dans La Lettre n\u00b046<\/a><\/p>\n\n\n\n

Lire l’interview en version fran\u00e7aise<\/a><\/p>\n<\/div><\/div>","protected":false},"excerpt":{"rendered":"

Jean Dominici h\u00e8 nant’\u00e0 dui fronti mai\u00f2 per sta rientrata : a riparazione \u00e8 u rilanciu di un’ecunumia isulana in core \u00e0 una stagione di statina pessima \u00e8 a perennisazione di a gestione di i porti \u00e8 di l’aeroporti resa incerta da a messa in attesa di u trasferimentu di a tutella \u00e0 a Cullettivit\u00e0 di Corsica. H\u00e8 inde stu cuntestu propiu difficiule ch\u00ec u presidente di a camera cunvucher\u00e0 un\u2019assemblea generale strasurdinaria u 3 d\u2019ottobre ch\u00ec vene in Aiacciu.<\/p>","protected":false},"author":4,"featured_media":5791,"comment_status":"open","ping_status":"open","sticky":false,"template":"","format":"standard","meta":{"_acf_changed":false,"_seopress_robots_primary_cat":"25","_seopress_titles_title":"","_seopress_titles_desc":"","_seopress_robots_index":"","footnotes":""},"categories":[25],"tags":[39,56,58,32,31,29,30,28],"class_list":["post-5829","post","type-post","status-publish","format-standard","has-post-thumbnail","hentry","category-actualite","tag-aerien-2","tag-croisiere","tag-economie","tag-formation","tag-maritime","tag-numerique","tag-tourisme","tag-transports"],"acf":[],"_links":{"self":[{"href":"https:\/\/www.cci.corsica\/co\/wp-json\/wp\/v2\/posts\/5829","targetHints":{"allow":["GET"]}}],"collection":[{"href":"https:\/\/www.cci.corsica\/co\/wp-json\/wp\/v2\/posts"}],"about":[{"href":"https:\/\/www.cci.corsica\/co\/wp-json\/wp\/v2\/types\/post"}],"author":[{"embeddable":true,"href":"https:\/\/www.cci.corsica\/co\/wp-json\/wp\/v2\/users\/4"}],"replies":[{"embeddable":true,"href":"https:\/\/www.cci.corsica\/co\/wp-json\/wp\/v2\/comments?post=5829"}],"version-history":[{"count":2,"href":"https:\/\/www.cci.corsica\/co\/wp-json\/wp\/v2\/posts\/5829\/revisions"}],"predecessor-version":[{"id":5832,"href":"https:\/\/www.cci.corsica\/co\/wp-json\/wp\/v2\/posts\/5829\/revisions\/5832"}],"wp:featuredmedia":[{"embeddable":true,"href":"https:\/\/www.cci.corsica\/co\/wp-json\/wp\/v2\/media\/5791"}],"wp:attachment":[{"href":"https:\/\/www.cci.corsica\/co\/wp-json\/wp\/v2\/media?parent=5829"}],"wp:term":[{"taxonomy":"category","embeddable":true,"href":"https:\/\/www.cci.corsica\/co\/wp-json\/wp\/v2\/categories?post=5829"},{"taxonomy":"post_tag","embeddable":true,"href":"https:\/\/www.cci.corsica\/co\/wp-json\/wp\/v2\/tags?post=5829"}],"curies":[{"name":"wp","href":"https:\/\/api.w.org\/{rel}","templated":true}]}}