Si trova a salvazione inde u mantenimentu di stu dispusitivu inde u perimetru publicu. Ghjunghjenu \u00e0 a fine i cuntratti di cuncessione di l\u2019aeroporti di Corsica \u00e8 di u portu di cummerciu di Bastia toccu u 31 di dicembre di u 2024 \u00e8, s\u2019ella \u00f9n h\u00e8 messa in ballu nisuna suluzione per sta data fatidica, serebbe quant\u2019\u00e8 casc\u00e0 inde u viotu per \u00f9n d\u00ec inde l\u2019abbissu. \u00d9n h\u00e8 un sicretu per nisunu. Pate dapoi un decenniu u settore di a gestione di l\u2019infrastrutture di trasportu un svultulime tremendu c\u00f9 a ghjunta d\u2019uperatori numerosi c\u00f9 i capitali privati, arrimbati \u00e0 spessu \u00e0 gruppi di livellu internaziunale c\u00f9 l\u2019appetittu feroce \u00e8 stuzzicatu da un spiritu di cunquista di u mercatu. Cunfruntati \u00e0 a putenza finanziaria di sti giganti avviati solu da l\u2019interessu di a rentabilit\u00e0 \u00e8 ch\u00ec anu poca primura di a cuntinuit\u00e0 di u serviziu publicu o di l\u2019accunciamentu di u territoriu, \u00f9n anu listessu pesu e camere cunsularie c\u00f9 i so mezi limitati n\u00e8 e regione periferiche, per e quale ferma u trasportu un affare vitale. Nant\u2019\u00e0 u sugettu, h\u00e8 chjaru assai Gilles Simeoni : \u00ab A nostra scelta pulitica strategica h\u00e8 di guarantisce a maestria publica di a gestione di i porti \u00e8 di l\u2019aeroporti ch\u00ec h\u00e8, per un\u2019isula, un inghjocu puliticu, ecunomicu \u00e8 suciale mai\u00f2, ch\u00ec \u00f9n p\u00f2 esse sottumessu \u00e0 a sola logica di u mercatu.<\/em> \u00bb<\/p>\n\n\n\n Ammint\u00e0 a maestria publica, rivindicata nant\u2019\u00e0 a tutti i banchi di l\u2019Assemblea di Corsica, h\u00e8 di fatti l\u2019assicuranza di pud\u00e8 mantene i persunali, inde l\u2019infrastrutture \u00e8 in i servizii cunsularii, ma din\u00f9 tutti l\u2019impieghi indutti, ch\u00ec s\u00f2 numerosi \u00e8 varii i nostri partinarii. <\/p>\n\n\n\n \u00ab \u00d9n ci fer\u00e0 svi\u00e0 a mundialisazione da i nostri fundamentali \u00bb. H\u00e0 ramintatu Louis Pozzo di Borgo, ch\u00ec h\u00e0 difesu u raportu c\u00f9 cunvinzione, a cuntribuzione di a CCI di Corsica, \u00ab gestiunaria storica<\/em> \u00bb, inde u maneghjimentu efficace di l\u2019ecchippamenti, a fluidit\u00e0 di e so attivit\u00e0 \u2013 malgradu e custrette regulamentarie tamante \u2013 \u00e8 u sviluppu armuniosu di u territoriu. <\/p>\n\n\n\n H\u00e8 cunsecutivu u ricorsu \u00e0 a creazione di Sindicati Misti Aperti \u00e0 l\u2019interruzzione di u prucedimentu d\u2019autunumia \u00e0 u quale h\u00e8 assuciatu di fatti u trasferimentu di a tutella da a CCI \u00e0 a Cullettivit\u00e0 di Corsica. Anu rimessu tuttu in causa a dissuluzione \u00e8 u tira \u00e8 molla puliticu ch\u2019ella h\u00e0 inghjennatu. H\u00e8 statu messu tr\u00e0 parentesi u scenariu prupostu da u cabinettu EY \u00e8 ritenutu da l\u2019Assemblea di Corsica, quellu di a creazione di un stabilimentu publicu c\u00f9 un statutu specificu, \u00e0 pr\u00f2 di a suluzione transitoria di i SMO. Deve esse avvista st\u2019alternativa detta \u00ab di ghjunzione \u00bb cum\u2019\u00e8 una reta di securit\u00e0 per tir\u00e0 \u00e0 frenu e velleit\u00e0 tentacularie private, intantu di tucc\u00e0 u scopu iniziale di u stabilimentu publicu. <\/p>\n\n\n\n Ser\u00e0 inde un secondu tempu, forse mentre a sessione di stu mese d\u2019ottobre, ch\u2019ella aver\u00e0 \u00e0 statu\u00ec l\u2019Assemblea di Corsica nant\u2019\u00e0 u raportu rilativu \u00e0 a creazione di e SMO aeroportuarie \u00e8 portuarie \u00e8 ch\u2019ella h\u00e0 da deliber\u00e0 nant\u2019\u00e0 i statuti. Cum\u2019ella l\u2019h\u00e0 fatta a CCI di Corsica per via di a so assemblea generale strasurdinaria \u00e8 cum\u2019elle a feranu da qu\u00ec \u00e0 pocu e partite aderente \u00e0 u Sindicatu, vale \u00e0 d\u00ec i cunsiglii d\u2019amministrazione di l\u2019Agenzia di u Turisimu di a Corsica, di l\u2019Uffiziu di i Trasporti, di l\u2019Uffiziu di l\u2019Ambiente di a Corsica \u00e8 di l\u2019Agenzia di u Sviluppu ecunomicu di a Corsica. Tuccher\u00e0 dopu \u00e0 u Statu \u00e0 valid\u00e0 u dispusitivu di modu ufficiale per via di un arrestatu prefetturale. H\u00e0 stata lanciata inde u listessu tempu una procedura ch\u00ec riguarda a devuluzione di i cuntratti di cuncessione da sti SMO per i porti \u00e8 l\u2019aeroporti di Corsica \u00e0 a CCI, \u00ab da pud\u00e8 ottene, \u00e0 cortu and\u00e0, cunclude u presidente di u Cunsigliu esecutivu, un campu cumplettu di urganisazione, di cuntrollu \u00e8 di gestione publica di l\u2019infrastrutture essenziale di trasporti esterni di l\u2019isula. \u00bb U fustu h\u00e8 spartu.<\/p>\n\n\n\n \u00ab H\u00e8 parsu non solu u Sindicatu Mistu Apertu cum\u2019\u00e8 a sola suluzione \u00e0 u livellu ghjuridicu, ma h\u00e8 din\u00f9 quella ch\u00ec permette di rispett\u00e0 l\u2019inseme di e cundizione pulitiche, ecunomiche, suciale \u00e8 strategiche validate da l\u2019istituzione di a Corsica, \u00e8 di dinamiz\u00e0 i scambii di modu duraticciu inde l\u2019ambiu francese, mediterraniu \u00e8 europeu. \u00bb<\/p>\n<\/blockquote>\n\n\n\n Gilles Simeoni, Assemblea di Corsica, vennari u 27 di sittembre di u 2024<\/em><\/strong><\/p>\n\n\n\nUna urganisazione ch\u00ec si vole transitoria<\/strong><\/h2>\n\n\n\n
\n\n\n\n\n
![\"\"](\"https:\/\/www.cci.corsica\/wp-content\/uploads\/2024\/10\/visu-la-lettre-680x383-1.png\")
<\/figure>