\u00ab S\u00f2 venuta \u00e0 ascult\u00e0 \u00e8 \u00e0 vede cumu puderiamu, inseme, struttur\u00e0 megliu l\u2019ecunumia, ch\u00ec al di l\u00e0 di u prucedimentu istituziunale, aghju a primura di u cutidianu di i Corsi. \u00bb<\/p>\n\n\n\n
Catherine Vautrin, ministra di u Partinariatu c\u00f9 i territorii \u00e8 di a Decentralisazione<\/em><\/strong>.<\/em><\/p>\n\n\n\n
<\/div>\n\n\n\n\n\n\n\n
<\/div>\n\n\n\n
Di sicuru, mantene l\u2019evuluzione istituziunale di a Corsica u so statutu di scopu finale, ma a vita di ogni ghjornu di i Corsi \u00e8, in cunsiquenza, tutte e parte \u00e8 tutti l\u2019aspetti di l\u2019ecunumia voltanu \u00e0 l\u2019avanti scena. Eccu u spiritu c\u00f9 u quale h\u00e0 scambiatu Catherine Vautrin, ghjovi u 24 di ottobre, \u00e0 u palazzu cunsulariu di Bastia – per a prima di e tr\u00e8 ghjurnate di a so visita ufficiale inde l\u2019isula \u2013 c\u00f9 l\u2019attori sucio ecunomichi \u00e8 i sudditi di a CCI di Corsica. Parolle schjette, franche \u00e8 dirette, un ascoltu attentu, \u00e8 l\u2019ingagiamentu di fidighj\u00e0 di pi\u00f9 vicinu torna l\u2019attese forte \u00e8 precise ch\u00ec s\u00f2 state sprimate.<\/p>\n\n\n\n
Favurevule \u00e0 a maestria publica di i porti \u00e8 di l\u2019aeroporti<\/strong><\/h2>\n\n\n\n
Per u presidente Dominici, h\u00e8 una figura casana Catherine Vautrin, ch\u00ec \u00f9n h\u00e8 mancu appena spaisata quand\u2019ella franca u zogliu di una camera di cummerciu. A cunsidereghja ancu cum\u2019\u00e8 una sorte di cummare. Quindeci anni f\u00e0, inc\u00f9 a so qualit\u00e0 di rapurtadrice di a Cummissione di l\u2019affari ecunomichi, h\u00e0 avutu un rollu propiu decisivu per a mudernisazione di e stituzione cunsularie, un preludiu per a Corsica \u00e0 a creazione di una entit\u00e0 regiunale sola, dedicata sana sana \u00e0 l\u2019interessu generale : \u00ab H\u00e8 a CCI di Corsica una istituzione trasparente, unurevule \u00e8 perfurmante \u00e0 u serviziu di a Corsica \u00e8 di i Corsi. Vole cuntinu\u00e0 e so missione \u00e8 custruisce, c\u00f9 u vostru sustegnu, l\u2019avvene ecunomicu di l\u2019isula, c\u00f9 unepoche di evuluzione indispensevule in quantu \u00e0 a fiscalit\u00e0, in quantu \u00e0 e riforme \u00e8 in quantu \u00e0 i prugetti d\u2019investimenti strutturanti. A nostra misura maestra h\u00e8 quella di u Creditu d\u2019impositu Investimentu per a Corsica, ch\u00ec h\u00e0 fattu vede a so efficacit\u00e0 dapoi anni \u00e8 anni \u00e8 ch\u00ec dumanda solu \u00e0 esse megliuratu\u2026 \u00bb<\/p>\n\n\n\n
Si h\u00e8 ralegratu in fine Jean Dominici ch\u2019ellu sia oramai integratu u mondu ecunomicu corsu inde a ripresa di e discussione nant\u2019\u00e0 u prugettu d\u2019autunumia inde u quale h\u00e8 achjusa a quistione priuritaria di u trasferimentu di a camera \u00e0 a Cullettivit\u00e0 di Corsica. \u00bb<\/p>\n\n\n\n
\u00ab \u00d9n s\u00f2 micca venuta \u00e0 d\u00e0 e lezzi\u00f2, s\u00f2 venuta \u00e0 ascult\u00e0 \u00e8 \u00e0 vede cumu puderiamu, inseme, struttur\u00e0 megliu l\u2019ecunumia, ch\u00ec al di l\u00e0 di u prucedimentu istituziunale, aghju a primura di u cutidianu di i Corsi. \u00bb Scrivendu si inde stu solcu, dice d\u2019av\u00e8 capitu propiu Catherine Vautrin l\u2019urgenza \u00e0 arregul\u00e0 a quistione di a maestria publica di i porti \u00e8 di l\u2019aeroporti, \u00e8 pare di fatti di ralleg\u00e0 si c\u00f9 a suluzione legislativa prevista dapoi u 2019, per via di l\u2019articulu 46 di a Lege PACTE, inde a matrice territuriale, puru s\u2019ellu ci vuler\u00e0 \u00e0 tramand\u00e0, per qualch\u00ec mese, e cuncessione oghjinche di a CCI. Averianu da seguit\u00e0 subbitu dopu e prime reunione di travagliu\u2026<\/p>\n\n\n\n
Travagli\u00e0 nant\u2019\u00e0 e pruposte di a CCI di Corsica<\/strong><\/h2>\n\n\n\n
Jean-Charles Martinelli, difendidore \u00e8 capimachja di l\u2019artisgiani, Karina Goffi, porta voce di i prufessiunali di u turisimu, Joseph Benzoni, \u00e0 nome di i traspurtadori stradali, Jean-Louis Albertini, presidente di u MEDEF, Dominique Antoniotti \u00e8 Corinne Bernardini, puntelli federali di u BTP, anu discrittu ci\u00f2 ch\u00ec \u00f9n andava micca inde i so settori proprii \u00e8 ci\u00f2 ch\u2019elli aspettavanu di i puteri publichi per sustene li. H\u00e0 pigliatu a ministra, attenta propiu \u00e0 ci\u00f2 ch\u2019elli avianu da sprime i so interlocutori in suffrenza, a resuluzione di studi\u00e0 e dumande c\u00f9 u sguardu di a so funzione, quellu di una partinaria \u00e0 l\u2019intuttu di i territorii.<\/p>\n\n\n\n
Nant\u2019\u00e0 a fiscalit\u00e0 in generale \u00e8 u Creditu d\u2019impositu Investimentu Corsica in particulare, indetta una valutazione, sullicitendu u so cullega di Bercy, Antoine Armand, nanzu di circ\u00e0 \u00e0 f\u00e0 una evuluzione. H\u00e0 da studi\u00e0, nondimenu, a pussibilit\u00e0 di stende lu \u00e0 a rinnuvazione \u00e8 \u00e0 a transizione energetica di i stabilimenti usteriaghji, malgradu e direttive europee. Trattendu si di a custruzzione di l\u2019alloghji \u00e8 di a liberazione di u fundariu, ch\u00ec v\u00e0 di paghju, avanta piuttostu un\u2019ammullita di i regulamenti, ch\u00ec s\u2019assumiglia \u00e0 qualch\u00ec labirintu in Corsica, inde u listessu filu ch\u00e8 ci\u00f2 ch\u2019ellu h\u00e0 dettu u Primu ministru \u00e0 a tribuna di l\u2019Assemblea naziunale mentre a so dischjarazione di pulitica generale. In fine, si h\u00e8 ingagiata \u00e0 esamin\u00e0 da vicinu vicinu e pruposte di a CCI di Corsica \u00ab per vede in ch\u00ec misura si puder\u00e0 travagli\u00e0 di manera benefica nant\u2019\u00e0 certe di ste misure\u2026 \u00bb<\/p>\n\n\n\n
Catherine Vautrin, intusiasmata da u prugettu d\u2019apertura, per a rientrata di u 2025, di a Scola di u Turisimu, di l\u2019Ospidalit\u00e0 \u00e8 di l\u2019Evenimenziale \u00e0 u Palazzu di i Cungressi d\u2019Aiacciu \u2013 induv\u2019ella assistia u lindumane \u00e0 u cungressu di i merri \u00e8 di i presidenti d\u2019EPCI di u Pumonte \u2013 si h\u00e8 mustrata propiu cumprensiva ma, di sicuru, prudente \u00e8 prammatica.<\/p>\n\n\n\n
![\"\"](\"https:\/\/www.cci.corsica\/wp-content\/uploads\/2024\/11\/visu-la-lettre-680x383-2.png\")
<\/figure>\n