Hè un ghjornu di a fine di ferraghju cum’ellu ne sà fà l’invernu in Corsica. Hè lindu u celu, fattu à nuli carchi à lume opalinu. Inonda u celu l’orizonte quant’è i piatti. Hè l’ora di a cullaziò. A prima pruposta à u publicu à u pianu panoramicu di u Palazzu di i cungressi chì accoglie Sapori, u risturante d’appiecazione ben numinatu di a Scola usteriaghja di u Mediterraniu. Per l’evenimentu, hè statu fattu tuttu cum’ellu ci vole, e tuvaglie, i cuperti, e mantile, l’uniformi. Suggerisce digià a vista nant’à u mare u viaghju à traversu u mondu di i sapori. Hè un’arte chì si sparte a cucina. A cunfermanu i surrisi ragiunanti di l’invitati. Cucinà, sottupone di avè u capu lebbiu, un spiritu generosu, un core largu. Hè ciò chì caratterizeghja à Emmanuel Lejou, furmatore d’eccezzione à Amparà Mediterraniu, Maestru Cucinaru di Francia, campione naziunale di i dulciumi. S’ellu ci hè un cundime chì li hè famiglievule, serà propiu l’arifogliu.
I CAP di seconda annata per u battesimu di u focu
Sapori, hè un nome chì cunferisce una dimensione sensuriale à l’identità di a scola, chì u gustu hè un sensu chì s’aduca è chì matura. Cun ellu, l’ECH coce oghje ghjornu a so ambizione à focu lente : furmà i prufeziunali di l’osteria è di a risturazione di dumane, arrechendu a so petra à a dinamica ecunomica è gastrunomica lucale.
Prumette assai sta prima cullaziò publica. Una volta compiu u serviziu, discorrenu nant’à a terrazza Emmanuel Lojou è Sandra Burlon. « Simu piuttostu suddisfatti ma si pudia fà sempre megliu… » Da pedagoghi di prima trinca, ùn esigeghjanu micca troppu, ma dumandanu u migliore.
Per sta « prima », ùn si hè lasciatu andà à a facilità. Risponde a carta ch’ellu hà cuncipitu à una cucina di stagione, arradicata inde l’arte di campà di u Mediterraniu è l’inclinazione per i circuiti corti. Una carta cunforma à i tempi è à l’ambiu, di i culori, di i prufumi, di l’esteticu è, di sicuru, di i sapori. À fiancu à ellu, davant’à i pianò di cucera, affacca una squadra di ottu giovani di CAP di seconda annata, vale à dì di principianti. Inde a sala, qualchì giovanottu è giovanotta si dà di rimenu sott’à u sguardu benevulente, attente è rigurosu di Sandra Burlon. Infestanu u sensu di l’accolta è l’esigenze propria di i mistieri di l’ospitalità i giovani amparanti. Assicurendu u serviziu à l’altri, si rendenu, di una certa manera, serviziu à elli stessi.
*À mumenti, serà pussibule di riservà un tavulinu à Sapori per via di Zenchef, un’appiecazione chì si puderà scaricà di gratisti nant’à u telefonu.
A carta di piacè…
Per sta prima gastrunomica è scenugraficata da u capu cucinaru Emmanuel Lojou à u fornu è Sandra Burlon à u timone di a sala, anu spartutu i circa vinti cinque ospiti a passione esciuta da e cucine per i prudutti di u rughjone. Dopu qualchì antipastu cù una crema untuosa di zuccone, sò stati servuti una terrina di porru cù a burrata è una salsa vergine po un pettu d’anatra accumpagnatu da una melingata di selleru è una pera à u vinu rossu. Per u dulciume, una turtella granny smith bella quant’è savurosa. Sò fatti « in casa » parechje pani pruposti cù qualchì rundinu di butiru à u pimentu d’Espelette, cum’è e mignardise servute cù u caffè. Cum’elle l’averianu pussutu dì unepoche d’Aiaccine di ceppu : « C’était toque de bon ! »
